2023/06/29 / Last updated : 2023/07/06 東京支店 News（Tagalog）

REKLAMO NG SCAMS GAMIT ANG LINE, IBA PANG APPS, DUMARAMI SA JAPAN

Nagbabala ang mga otoridad sa tumataas na bilang ng investment scams gamit ang Line messaging app at iba pang uri ng SNS.

Ayon sa ulat ng NHK World-Japan, sinabi ng Tokyo Metropolitan Government na nagtala ng 314 kaso ng investment fraud complaints ang kinauukulan noong nakaraang fiscal year.

Pinapaalalahanan ng mga opisyal ang publiko na maging maingat sa mga scams tuwing gumagamit ng Line app na maaaring awtomatikong magdagdag sa mga users sa messaging groups.

Ilan sa mga panlolokong isinasagawa ay ang pag-i-invest sa crypto assets at retail foreign exchange trading. Sa sandaling naipadala na ng biktima ang mga pondo sa itinalagang bank account ay hindi na makontak ang mga manloloko tangay ang kanilang pera.

Hinihimok ng kinauukulan na kumonsulta ang publiko sa mga local consumer affairs center anumang oras na nababahala sila o naghihinala.