2023/03/28 / Last updated : 2023/03/28 東京支店　アンジ News（Tagalog）

MGA AMUSEMENT PARKS SA JAPAN, NAGTAAS NG PRESYO NG TICKET

Nasa 36 porsyento ng mga amusement parks, zoos at aquariums sa bansa ang nagtaas ng presyo ng ticket kasunod nang pagtaas ng presyo ng kuryente at mga pakain sa hayop.

Sa survey na isinagawa ng Teikoku Databank kung saan may 190 na pasilidad ang respondents, nasa 70 ang nagtaas ng presyo sa nakalipas na taon. Sa bilang na ito, 62 ang nagtaas ng presyo ng admission fees habang ang natitira ay nagdagdag ng presyo sa unlimited-ride passes, saad sa ulat ng NHK World-Japan.

Ayon sa research firm, nahihirapan ang industriya mula noong pandemya kung saan napilitan silang isara ang mga atraksyon o pansamantalang limitahan ang daloy ng tao, na nagpapahina sa kanilang kakayahang kumita. Dagdag pa nito, ang pagtaas ng mga gastos ay nakadagdag sa kanilang pinansiyal na pasanin. Ilan sa mga pasilidad ay komukunsumo ng malaking enerhiya tulad ng kuryente.

Follow me!