2023/03/27 / Last updated : 2023/03/27 東京支店 News（Tagalog）

MGA DAYUHANG RESIDENTE SA JAPAN, MAS DUMAMI

Nasa 3,075,213 ang bilang ng mga dayuhang residente sa Japan sa pagtatapos ng 2022, mas mataas ng 11.4 porsyento kumpara noong 2021, ayon sa Immigration Services Agency.

Sa ulat ng Jiji Press, pinakamarami ang mga taga-China na nasa 761,563. Sinundan ito ng mga Vietnamese sa 489,312, habang pumangatlo naman ang mga South Koreans sa 411,312.

Tumaas din ng 92,808 ang bilang ng mga dayuhang estudyante. Nadagdagan din ng 48,817 ang bilang ng mga technical trainees habang mas dumami naman ng 37,221 ang bilang ng mga specialists sa engineering, humanities at international services.

Nadagdagan din ng 128 ang bilang ng mga dayuhan na nabigyan ng refugee status sa ilalim ng immigration control and refugee recognition law.