2024/01/11 / Last updated : 2024/01/10 東京支店　アンジ News（Tagalog）

ANA AT JAL NANGUNA SA ASYA PARA SA ‘WORLD ON TIME PERFORMANCE RATE’

Ang Cirium, isang kumpanyang dalubhasa sa pagsusuri ng data ng aviation, ay naglabas ng 2023 on-time ranking para sa mga airline. Ang Avianca, isang Colombian airline, ay nanguna sa world’s list na may 85.73% on-time average. Sumunod naman ang Azul Airlines ng Brazil (85.51%), Qatar Airways (85.11%), Delta Air Lines (84.72%), at Iberia Airlines (84.38%).

Mula sa Travel Voice, sa rehiyon ng Asia-Pacific, nakuha ng ANA ang unang spot sa on-time na performance na 82.75%, sinundan naman ng JAL sa 82.58%. Sa kategoryang low-cost carrier, nakuha ng Jetstar Japan ang ika-4 na posisyon na may 84.60% performance rate.

Tinutukoy ng Cirium ang mga “on-time” na flight ang mga arrival at departure sa loob ng 15 minuto mula sa naka-iskedyul na oras. Ang mga pinagmumulan ng data ay sumasaklaw sa mga airline, paliparan, GDS (Global Distribution System), data ng lokasyon ng ADS-B, aviation authority, air traffic control service provider, proprietary data partnerships, at online source.

Follow me!