2024/02/26 / Last updated : 2024/02/26 東京支店　アンジ News（Tagalog）

CHEATING SA DRIVING EXAM SA HANEDA AIRPORT NATUKLASAN

Ang malawakang pandaraya ay natuklasan sa mga empleyado ng airline na nagtatangkang kumuha ng mga lisensya para sa pagmamaneho ng mga sasakyan sa mga restricted na lugar ng Haneda Airport ng Tokyo.

Ayon sa Asahi Shimbun, iniulat ng ANA Holdings Inc. noong Pebrero 20 na may kabuuang 82 empleyado mula sa dalawang kaakibat na kumpanya ang nasangkot sa pandaraya noong araw ng pagsusulit. Ang mga empleyadong ito ay nahuling may bukas na libro habang kumukuha ng pagsusulit.

Inanunsyo ng Japan Airlines Co. na 16 na empleyado mula sa dalawang kumpanya ang napatunayang nandaya din sa parehong pagsusulit.

Ayon sa mga opisyal mula sa ministeryo ng transportasyon, ang mga indibidwal ay dapat kumuha ng awtorisasyon mula sa tagapamahala ng paliparan bago magpatakbo ng mga sasakyang de-motor sa mga restricted na lugar tulad ng mga runway. Ang pagpasa sa exam na nagsusuri ng kaalaman kung saan dapat ihinto ang mga sasakyan at ang mga speed limitation ay kailangan para makatanggap ng certificate.

Naganap ang mga insidente sa pagitan ng Agosto 2022 at Pebrero 2024 nang maling pinahintulutan ng mga test monitor ang mga examinees na sumangguni sa kanilang mga textbook sa panahon ng pagsusulit o pinahintulutan ang mga dati nang nakapasa sa mga pagsusulit sa ibang airport na gamitin ang kanilang mga textbook.

Sinabi ng mga opisyal ng JAL na tatlong empleyado mula sa JAL Royal Catering Co., na nagbibigay ng mga pagkain sa flight, at 13 empleyado mula sa JAL Sky Co., ay kasabwat sa pandaraya sa exam.

Follow me!