2023/09/12 / Last updated : 2023/09/12 東京支店 News（Tagalog）

JAPAN, PINAPALAKAS ANG PAGSISIKAP LABAN SA CHILD SUICIDES

Pinapalakas ng gobyerno ng Japan at mga nonprofit organizations ang kanilang pagsisikap para mapigilan ang child suicides sa bansa sa gitna ng tumataas na bilang ng mga kaso nito.

Umabot sa 514 ang naitalang mga kaso noong 2022 sa mga elementary, junior high at senior high school students, ang pinakamataas na nai-rekord simula nang magsagawa ng ganitong pagtatala taong 1980, base sa datos ng welfare ministry, ayon sa ulat ng Jiji Press.

Nagtatag ang pamahalaan ng countermeasures office sa loob ng Children and Families Agency noong Abril. Nagkaroon din ng emergeny program noong Hunyo kung saan kabilang ang pagche-check ng mental at pisikal na kondisyon ng mga bata sa pamamagitan ng tablet computers na ipinapamahagi sa kanila sa mga paaralan.

Nangongolekta rin ang ahensya ng mga datos mula sa police, fire departments at paaralan para masuri ang dahilan ng mga pagpapakamatay.