2023/05/24 / Last updated : 2023/05/24 東京支店　アンジ News（Tagalog）

SUSPEK SA PAGNANAKAW SA TOKYO, PAGSAKAY SA FIRST-CLASS SHINKANSEN ANG MOTIBASYON SA KRIMEN

Inamin ni Hajime Saeki, 54, na ang pagsakay sa mga first-class cars ng bullet train papunta sa Tokyo mula Aichi Prefecture ang naging motibasyon niya upang magsagawa ng serye ng mga pagnanakaw.

Nililitis si Saeki sa mga kasong trespassing at iba pang krimen. Kakasuhin din siya ng theft ng third investigation division ng Saitama Prefectural Police, ayon sa ulat ng The Mainichi.

Inakusahan si Saeki nang pagpasok sa mga pribadong bahay at iba pang istruktura sa Tokyo at apat pang prepektura at pagnanakaw ng humigit-kumulang sa 24.12 milyong yen na cash, mga gift coupons at iba pang mga item sa pagitan ng Hunyo 2021 at Disyembre 2022.

Sinabi ng mga pulis na may ebidensya sila sa 135 na kaso na diumano ay ginawa ng suspek na may kabuuang halaga ng pinsala na aabot sa nasa 26.35 milyong yen.

Follow me!