2023/02/17 / Last updated : 2023/02/17 東京支店　アンジ News（Tagalog）

10% DAGDAG SA SAHOD HIHILINGIN NG MGA ‘DI REGULAR NA MANGGAGAWA SA JAPAN

Balak ng mga miyembro ng 16 na labor union sa bansa na humingi ng 10 porsyentong dagdag sa sweldo mula sa 33 kumpanya na kanilang pinagtatrabahuhan sa darating na spring.

Nirereklamo umano ng mga grupo ang kawalan ng benepisyo ng mga ‘di regular na manggagawa na makakatulong sana upang makayanan ang epektong dulot ng mataas na presyo ng mga bilihin pati na rin ang pagbawas ng mga employer sa mga pasahod, saad sa ulat ng NHK World-Japan.

Sa tala ng internal affairs ministry, mayroong humigit-kumulang sa 21 milyon ang mga ‘di regular na manggagawa noong 2022 na katumbas ng 36.9 poryento ng kabuuang bilang ng mga manggagawa sa bansa.

Follow me!