2023/01/23 / Last updated : 2023/01/27 東京支店 News（Tagalog）

KISHIDA NAIS IBABA ANG ANTAS NG COVID-19 SA PINAKAMABABA

Nais ni Japanese Prime Minister Fumio Kishida na ibaba sa Category V, ang pinakamababang antas ng COVID-19, sa bansa sa darating na tagsibol na kapareho ng kategorya ng seasonal flu.

Sa ulat ng Jiji Press, layon ni Kishida na ibalik na sa normal na pamumuhay ang bansa sa pamamagitan ng pagbabago sa mga polisiya at iba pang panuntunan sa bansa upang maibangon muli ang ekonomiya.

Plano rin ng gobyerno na baguhin ang panuntunan sa pagsusuot ng face mask sa loob ng mga gusali at establisiyimento. Sa kasalukuyan ay nasa Category II ang antas ng COVID-19 sa bansa, ang ikalawang pinakamataas na antas sa five-tier system.