2024/04/17 / Last updated : 2024/04/16 東京支店 News（Tagalog）

SOFTBANK 3G SERVICE PARA SA MGA FLIP PHONES, TATAPUSIN NA

Malapit nang tapusin ng kumpanyang SoftBank ang 3G na serbisyo nito na pangunahing ginagamit sa mga mobile phone na tinatawag na “flip phone,” sa buong bansa maliban sa Ishikawa Prefecture.

Ayon sa ulat ng Yahoo Japan, nakatakdang tapusin ng SoftBank ang serbisyong 3G Enero ngayong taon, ngunit ang petsa ng pagtatapos ay ipinagpaliban hanggang katapusan ng Hulyo dahil sa epekto ng lindol sa Noto Peninsula.

Ngayon, magtatapos ang serbisyo ng 3G sa buong bansa maliban sa Ishikawa Prefecture, na magtatapos sa 21 taong kasaysayan nito. Gayunpaman, batay sa sitwasyon sa mga lugar na sinalanta ng sakuna, magagamit ng Ishikawa Prefecture ang serbisyo hanggang ika-31 ng Hulyo.