2023/12/01 / Last updated : 2023/12/01 東京支店 News（Tagalog）

NAGOYA CITY NAGBUKAS NG “METAVERSE LIBRARY”

Ang Nagoya City Library ay nagbukas ng library na magagamit sa Metaverse, isang virtual na space sa Internet noong ika-10 ng Oktubre, upang ipakita sa mga kabataan kung paano mag-enjoy sa mga aklatan.

Ayon sa NHK News, ang library sa virtual space na pinangalanang “NAGOYA Metaverse Library” ay open sa limitadong panahon lamang mula Oktubre 30 hanggang sa katapusan ng Marso 2024 upang gunitain ang ika-100 anibersaryo ng pagbubukas ng Nagoya City Library noong Oktubre.

Sa loob ng metaverse, maaari kang magpatakbo ng sarili mong alter ego na tinatawag na “avatar” at tumingin sa loob ng silid-aklatan, na base sa modernong aklatan, at makinig sa mga fairy tale mula sa buong mundo na binabasa nang malakas ng mga librarian mula sa Aklatan ng Lungsod ng Nagoya.

Ang “Metaverse Library” ay nagbubukas ng 10 a.m. at sinuman ay maaaring makapasok nang libre mula sa Nagoya City Library homepage. Ayon sa Nagoya City Library, ito ang unang pagkakataon sa bansa na ang isang pampublikong aklatan ay nagbukas ng isang aklatan sa Metaverse.