2023/06/14 / Last updated : 2023/06/14 東京支店　アンジ News（Tagalog）

MONTHLY ALLOWANCE NG MGA BATA SA JAPAN, APRUBADO NA

Inaprubahan na ng gobyerno ang pagbibigay ng buwanang allowance para sa mga pamilyang may pinapalaking mga bata sa Japan bilang bahagi ng mga hakbang para matugunan ang pagbaba ng birthrate sa bansa.

Makakatanggap ng 15,000 yen kada buwan ang bawat pamilya na may mga batang mas mababa sa tatlo ang edad, 10,000 yen para sa mula tatlo ang edad hanggang senior high, at 30,000 yen naman para sa may mga pangatlong anak at higit pa simula pagkapanganak hanggang senior high.

Plano ng pamahalaan na repormahin ang social welfare spending at bumuo ng bagong support sytem para pondohan ang mga hakbang na ito, saad sa ulat ng NHK World-Japan.

Follow me!