今週の動画

AYUDA PARA SA CHILD CARE SUPPORT, PINAGHAHANDAAN NA NG LOCAL GOVERNMENTS

Pinaghahandaan na ng mga lokal na pamahalaan sa Japan ang kanilang mga hakbang na isasagawa kaugnay ng child care support sa ilalim ng kanilang mga budget para sa fiscal 2023 na magsisimula sa Abril 1.

Sa ulat ng Jiji Press, plano ng Gifu Prefectural Government na simulan ang pagbibigay ng 100,000 yen bilang childbirth benefits para sa pangalawa at kasunod na mga anak.

Habang nauna nang inanunsyo ni Tokyo Governor Yuriko Koike noong nakaraan buwan ang kanilang balak na pamimigay ng 5,000 yen kada buwan sa lahat ng bata sa lungsod edad 18 pababa.

Matatandaang inanunsyo ni Prime Minister Fumio Kishida ang programa dahil sa patuloy na pagbaba ng birth rate sa bansa.

Follow me!