2023/02/10 / Last updated : 2023/02/14 東京支店　アンジ News（Tagalog）

JMA, NAGBABALA NG MALAKAS NA PAG-ULAN NG SNOW SA PEBRERO 10

Nagbabala ang Japan Meteorological Agency (JMA) ng malakas na pag-ulan ng snow sa Pebrero 10 partikular na sa Kanto-Koshin region bunsod ng namumuong habagat.

Sa ulat ng The Mainichi Shimbun, magbababa ng snow warning ang JMA sa mga prepektura ng Tokyo, Nagano, Gunma, Saitama, Ibaraki, Tochigi, Chiba, Kanagawa at Yamanashi sakaling mas bumaba ang temperatura sa inaasahan at humaba ang oras nang pagbagsak ng snow.

Malakas na pagbagsak ng snow ang inaasahan sa Tama region ng Tokyo kung saan 23 wards ang maaapektuhan nito. Nanawagan ang JMA sa publiko na mag-ingat at asahan ang mabagal na daloy ng trapiko.

Follow me!