今週の動画
BABAE, NABIKTIMA NG FOOD POISONING MATAPOS KUMAIN NG SUSHI
Nagpapagaling na ang isang babae na nasa edad 40s matapos ma-food poison kasunod nang pagkain niya sa isang sushi restaurant sa Hitachinaka City, Ibaraki Prefecture.
Ayon sa report ng The Mainichi, kumain ng ilang klase ng sushi ang babae sa Kaiten-zushi Morita, isang conveyor sushi restaurant, malapit sa Nakaminato Fish Market noong Hunyo 11. Naospital ang babae sa Tsukuba kinabukasan dahil sa pananakit ng tiyan at ulo.
Nagpositibo siya sa anisakiasis, isang impeksyon na sanhi ng parasitic nematodes ng genus Anisakis na karaniwang matatagpuan sa hilaw na isda.
Namamatay ito sa pamamagitan nang pagluluto o kaya ay paglalagay sa freezer sa negative 20 degrees Celsius ng hindi bababa sa 24 na oras.
Pinagbawalan ng mga kinauukulan ang restaurant na maghain ng hilaw na isda at ng hindi frozen ngunit pinayagan na rin ito matapos ang isang araw.
Follow me!
この記事を書いた人
