今週の動画

SAKURA SA TOKYO, NAGSIMULA NANG MAMULAKLAK

Nag-umpisa nang mamulaklak ang cherry trees sa Tokyo kahapon, Marso 13, ang pinakamaaga sa bansa ngayong taon.

Sa ulat ng Jiji Press, inanunsyo ng Japan Meteorological Agency (JMA) ang pamumulaklak ng Somei-Yoshino cherry tree sa Yasukuni Shrine.

Ang pamumulaklak ay anim na araw na mas maaga kumpara noong nakaraang taon, at 10 araw na mas maaga kaysa sa karaniwang taon.

Kinumpirma rin ng JMA na posibleng hindi aabutin ng isang linggo bago ang pag-full bloom ng mga ito. Ang maagang pagsisimula ng pamumulaklak ay kasunod ng maiinit na araw nitong simula ng Marso.

Follow me!