2023/03/06 / Last updated : 2023/03/06 東京支店　アンジ News（Tagalog）

EPEKTO NG INFLATION SOSOLUSYONAN

Inatasan ni Prime Minister Fumio Kishida ang Liberal Democratic Party at coalition partner nito na Komeito na isaalang-alang ang mga karagdagang hakbang upang mapagaan ang epekto ng tumataas na presyo ng bilihin at serbisyo.

Saad sa ulat ng Jiji Press, binigyan ng lider ng Japan ang dalawang partido na magkaroon ng konklusyon ukol dito pagsapit ng Marso 17.

Madadagdag ang mga bagong hakbang sa komprehensibong economic package ng gobyerno na binuo noong Oktubre ng nakaraang taon kung saan kabilang ang subsidiya sa pagbabawas ng pasanin ng tumataas na singil sa kuryente at gas.

Sinabi naman ni Chief Cabinet Secretary Hirokazu Matsuno na posibleng pagkunan ng budget para rito ang reserve funds ng bansa.

Follow me!