2023/02/07 / Last updated : 2023/02/14 東京支店 News（Tagalog）

MGA KANDADO AT IBA PANG SECURITY ITEMS MABILI SA JAPAN DAHIL SA MGA NAKAWAN

Tumataas ang bilang ng mga bumibili ng kandado at iba pang security items dahil sa nagaganap na nakawan sa mga kabahayan sa iba’t ibang lugar sa Japan.

Sa ulat ng Jiji Press, apat na beses na tumaas ang benta ng isang outlet ng Kohnan Shoji Co. sa Koyo Fukagawa, isang hardware store sa Koyo Ward ng Tokyo, matapos na pagnakawan ang bahay ng 90-taong-gulang na residente, na pinaslang din ng mga suspek.

Karamihan umano sa mga bumibili ay mga matatanda kung saan kabilang sa mga produktong binibili ay ang window films at auxiliary locks na ginagamit upang hindi makapasok sa mga bintana ang mga magnanakaw.