2023/01/11 / Last updated : 2023/01/11 東京支店 News（Tagalog）

PAGBILI NG GAMOT PARA SA LAGNAT, NAIS LIMITAHAN NG GOBYERNO

Nanawagan ang Health, Labor and Welfare Ministry sa mga botika na agapan ang bultuhan pagbili ng mga gamot para sa lagnat upang hindi magkaroon ng kakulangan.

Sa ulat ng Yomiuri Shimbun, nagpadala na ang tanggapan ng liham sa Japan Chain Stores Association at Japan Pharmaceutical Association upang limitahan ang bilang ng gamot na maaaring bilhin ng bawat customer.

Ito ay matapos na mapag-alaman ng ahensiya na maraming mga Chinese na nasa Japan ang bumibili ng maraming gamot para sa lagnat upang ipadala sa kanilang pamilya at mga kamag-anak sa China, na muling tumataas ang bilang ng mga kaso ng COVID-19.