2022/12/21 / Last updated : 2022/12/21 東京支店 News（Tagalog）

PAGKAKAROON NG ‘OVERSEAS POLICE’ NG CHINA SA JAPAN, IBINUNYAG

Ibinunyag ng Foreign Ministry ang pagkakaroon ng “overseas police” bases ng China sa Japan sa isinagawang joint meeting ng Liberal Democratic Party’s Foreign Affairs Subcommittee at iba pa. Ito ay batay umano sa isinumiteng ulat ng isang Spanish non-government organization.

Ayon sa The Yomiuri Shimbun, lumabas sa naturang ulat na nagtayo ang mga awtoridad sa China ng dalawang overseas police bases sa Japan. Ang isa ay ang Fuzhou public security bureau ng Fujian Province sa Tokyo habang ang isa naman ay ang Nantong public security bureau ng Jiangsu Province sa ‘di pa matukoy na lugar sa bansa.

Ipinaabot ng Foreign Ministry sa China na hindi ito katanggap-tanggap at isang paglabag sa kasarinlan ng Japan.