今週の動画
SINGIL SA KURYENTE BABABA NGAYONG PEBRERO AT MARSO
Nakatakdang bumaba ang singil sa kuryente sa mga kabahayan sa Japan ngayong darating na Pebrero at Marso bunsod nang pagbibigay ng subsidy ng gobyerno.
Ayon sa ulat ng NHK World-Japan, papatak sa 7 yen kada kilowatt-hour ang ibibigay na subsidy ng gobyerno kung saan inaasahan na bababa ng hanggang sa 1,800 yen ang babayaran ng isang kabahayan.
Pagkaraan ng dalawang buwan, maaaring tumaas na muli ang singil sa kuryente matapos na humingi ng pag-apruba ang limang kumpanya ng kuryente na kinabibilangan ng Tohoku, Hokuriku, Chugoku, Shikoku at Okinawa ng pagtataas ng singil simula Abril o Hunyo.
Follow me!
この記事を書いた人
