2022/12/12 / Last updated : 2022/12/12 東京支店 News（Tagalog）

PAGMAMALTRATO NG 22 CORRECTION OFFICERS SA NAGOYA, IBINUNYAG

Ibinunyag ng Justice Ministry ng Japan ang pagmamaltrato umano ng 22 correction officers sa tatlong bilanggo sa Nagoya Prison sa Aichi Prefecture sa pagitan ng Nobyembre 2021 hanggang huling linggo ng Agosto ngayong taon.

Sa ulat ng Jiji Press, ilan sa mga ginawa ng mga suspek ay ang pananampal sa mukha at kamay ng mga bilanggo na nasa edad 40s hanggang 60s, pagsasaboy ng sanitizer sa mukha, at pamamalo sa likod gamit ang sandalyas.

Napag-alaman ang karahasan ng mga opisyales nang sabihin ng isang bilanggo na sanhi ng pagmamaltrato sa kanila ang natamong sugat sa kaliwang mata. Humingi naman ng paumanhin ang Justice Ministry hinggil dito.