今週の動画

PAGKAMATAY NG BABAE SA AICHI MATAPOS MAGPABAKUNA KONTRA COVID-19 INIIMBESTIGAHAN

Iniimbestigahan na ng Aichi Medical Association ang pagkamatay ni Ayano Iioka, 42, matapos nitong magpabakuna kontra COVID-19 sa Aisai, Aichi Prefecture noong Nobyembre 5, ayon sa ulat ng Kyodo News.

Lumabas na pagkaraan ng ilang minuto pagkatapos mabakunahan laban sa BA.5 Omicron subvariant ng COVID-19 ay lumala ang pakiramdam nito, nahirapang makahinga, at sumuka na may kasamang dugo. Dinala kaagad si Iioka sa ospital ngunit namatay ito pagkaraan lamang ng 90 minuto.

Mayroong nang naunang kundisyong medikal si Iioka ngunit pinag-aaralan din ang posibilidad na maaaring namatay ito dahil sa anaphylactic reaction o matinding allergy sa bakuna.

Follow me!